હરવા-ફરવા પાછળ ધૂમ પૈસા વાપરે છે આ રાશિના લોકો, જાણો તમારી રાશિ વિષે શું કહ્યું છે 

હરવા-ફરવા પાછળ ધૂમ પૈસા વાપરે છે આ રાશિના લોકો, જાણો તમારી રાશિ વિષે શું કહ્યું છે

રાશિ મુજબ સ્વભાવઃ

શાસ્ત્રોમાં ઉલ્લેખ છે કે લાભ-નુકસાન, જીવન મરણ, યશ-અપયશ બધું જ નસીબના હાથમાં છે. તમને જાણીને નવાઈ લાગશે કે આપણે જીવનમાં કેટલા પૈસા કમાઈશું, કેટલું બચાવીશું કેટલું દાન આપીશું? આ બધું જ પહેલેથી નક્કી છે. આનો પુરાવો છે કુંડળીનો વ્યય ભાવ. આ વ્યય ભાવ કુંડળીના બારમા ઘર પ્રમાણે છે. 11 મું સ્થાન આવક દર્શાવે છે. આવક  અને વ્યયનું રહસ્ય આપણી રાશિમાં જ છૂપાયેલું છે. જાણો રાસિ પ્રમાણે કયા મામલામાં વ્યક્તિ વધુ ખર્ચ કરે છે.

મેષઃ વ્યય ભાવમાં મેષ રાશિ હોય તો વ્યક્તિ શુભ કામ, ભોગ વિલાસ, પશુપાલન અને સાહસિક કામમાં ધન ખર્ચ કરે છે.

વૃષભઃ વ્યય ભાવમાં આ રાશિ ધરાવતા જાતકો અનેક પ્રકારના વસ્ત્રો અને અનેક સ્ત્રીઓ સાથે પ્રેમ સંબંધો પાછળ પૈસા ખર્ચે છે. આ ઉપરાંત બચાવેલા રૂપિયા પણ ઉડાવી દે છે. આવા લોકોના પૈસા મોજશોખ પાછળ ખર્ચાય છે.

મિથુનઃ વ્યય ભાવમાં મિથુન રાશિ હોય એ લોકો ખોટી સોબતમાં પૈસા વાપરે છે. તેમના બધા જ રૂપિયા ખરાબ આદતોમાં ખર્ચાય છે. ખોટા નિર્ણયોને કારણે પણ તેમના ઘણા રૂપિયા વેડફાય છે.

કર્કઃ વ્યય ભાવમાં કર્ક રાશિ હોય તો વ્યક્તિ પૂજા-પાઠ અને ધાર્મિક કાર્યોમાં પૈસા ખર્ચે છે. આવા લોકો તીર્થયાત્રા કરવામાં અને ખાન-પાન પાછળ પણ ઘણા રૂપિયા વેડફે છે.

સિંહઃ વ્યય ભાવમાં સિંહ રાશિ હોય તેમના પૈસા આડા અવળા કામમાં ખર્ચાય છે. આવા લોકોને જંગલ, પહાડોમાં ફરવાનો શોખ હોય છે  અને તે આ ચીજોમાં પૈસા વેડફે છે. રોમાંચક ચીજો, વાહન પાછળ પણ તેમના પૈસા ખર્ચાય છે.

કન્યાઃ વ્યય ભાવમાં કન્યા રાશિ હોય તો જાતકોનું ધન વિવાહ જેવા માંગલિક કાર્યો પાછળ ખર્ચાય છે. આ ઉપરાંત તે સાધુ સંતો પાછલ પણ પૈસા ખર્ચે છે. શિક્ષા અને નવા નવા અનુભવો પર ખર્ચ કરવાથી તેમને આનંદ આવે છે. આવા લોકો કપડા પહેરવાના શોખીન હોય છે અને તેના પર પણ તેમના પૈસા ખર્ચાય છે.

તુલાઃ તુલા રાશિ વ્યય ભાવમાં હોય તો જાતકનું ધન દેવતા, બ્રાહ્મણ અને વેદ તથા શાસ્ત્રોમાં ખર્ચ થાય છે. આવા લોકો દાન ધર્મમાં ઘણી આસ્થા રાખે છે. શુક્રની રાશિ હોવાને કારણે આ જાતકો મોજશોખ પાછળ પણ ખૂબ રૂપિયા ખર્ચે છે.

વૃશ્ચિકઃ વૃશ્ચિક રાશિ વ્યય ભાવમાં હોય તો વ્યક્તિ કપટપૂર્ણ કામમાં પૈસા ખર્ચે છે. મિત્રો પાછળ પણ તેમના પૈસા ખર્ચાય છે. આમનો પૈસો ચોરીમાં પણ જતો રહે છે. ખાન-પાનના શોખ પાછળ પણ તે સારો એવો પૈસો ખર્ચે છે.

ધનઃ વ્યય ભાવમાં ધન રાશિ હોય તો વ્યક્તિ ખોટા પૈસા વેડફે છે. ગુરુની રાશિ હોવાથી ધર્મ-કર્મ અને સામાજિક કાર્ય પાછળ તે દિલથી પૈસા ખર્ચે છે. કપડા પાછળ પણ તેમનો સારો એવો રૂપિયો ખર્ચાય છે.

મકરઃ બારમા ભાવમાં મકર રાશિ હોય તો વ્યક્તિ ખાવા પીવા, દારુ અને મિત્રો પાછળ પૈસા ખર્ચે છે. આ લોકો આનંદ અને ઉત્સવ પાછળ ખૂબ જ પૈસા ઊડાવે છે.

કુંભઃ વ્યય ભાવમાં કુંભ રાશિ હોય તો રૂપિયો સિદ્ધ લોકો અને પ્રશંસકો પાછળ ખર્ચાય છે. આવા લોકો પુસ્તક અને જ્ઞાન મેળવવા પાછળ ખાસ્સો ખર્ચ કરે છે. યાત્રા અને ખાન-પાન પાછળ પણ તેમનો ઘણો પૈસો વપરાય છે.

મીનઃ બારમા ભાવમાં મીન રાશિ હોય તો વ્યક્તિના ધનને તેના બાળકો નષ્ટ કરી નાંખે છે. આ ઉપરાંત વિવાદ પાછળ પણ તેમનો પૈસો વપરાય છે. આવા લોકો તીર્થ યાત્રા અને દાન-પુણ્ય પાછળ પણ રૂપિયા ખર્ચ કરે છે.

LEAVE A REPLY

Please enter your comment!
Please enter your name here